Aholku orokorrak elikadurari buruz: erostean, gordetzean, prestatzean, kuzinatzean, zerbitzatzean, birberotzean…

Erostean

-Begiratu iraungitze data, elikagaiak erosi aurretik.

-Elikagaia freskoa den ala ez zalantzarik baduzu, ez erosi, batik bat haragia edo arraina bada. Ez erosi elikagai izozturik eta hozturik azken unera arte.

-Erosketak eginda, ahalik eta azkarren gorde hozkailuan. Erositakoa ez utzi ibilgailuan beste erosketa batzuk egiten dituzun bitartean.

-Hobe duzu elikagai izoztuak poltsa isotermikoetan sartu, batik bat udan.

Gordetzean

-Elikagaiak gordetzean, kasu egin etiketako gomendioei (hozkailua, izozkailua, kutxa).

-Bereizi elikagai gordinak eta kontsumitzeko prest daudenak.

-Jarri elikagai gordinak kontsumitzeko prest dauden elikagaien azpian; horrela ekidin egingo duzu kutsadura sortzea elikagai gordinen ura erorita ere.

-Izozkailuak, zenbat eta beteago egon, orduan eta hobeto funtzionatzen du. Hozkailuan, berriz, lekua behar da aire hotza elikagaien artetik igaro dadin.

-Ez sartu elikagai berorik hozkailuan.

-Begiratu iraungitze data, lehenago zein produktu kontsumitu behar duzun jakiteko.

-Lata baten edukia erabat kontsumitu ez baduzu eta gorde nahi baduzu, estalkia duen ontzi batean gorde ezazu izozkailuan sartu aurretik.

Prestatzean

-Garbitu maiz eskuak elikagaiak prestatzean, eta, batez ere hurrengo egoeretan: komunera joan ostean, animaliaren bat ukitu ondoren edota haurrei oihalak aldatu ondoren.

-Janariak prestatzean, bereizi gordinik kontsumitzekoak eta kuzinatzekoak.

-Jarraitu fabrikatzailearen instrukzioei.

-Erabili sukaldeko zapi garbiak eta aldatu maiz.

-Ziurtatu sukaldeko ohola eta labanak garbi daudela.

Kuzinatzean

-Ongi kuzinatu elikagaiak. Elikagaiak 70ºC-tik gora kuzinatu behar dira, barrutik zein kanpotik.

Zerbitzatzean

-Janaria kuzinatuta, ahalik eta lasterren kontsumitu edo bero mantendu, 63ºC-tik gora.

-Gorde hozkailuan hotz zerbitzatzeko edo geroago kontsumitzeko prestatutako janaria.

-Ez eduki elikagairik denbora luzez giro-tenperaturan zerbitzatu bitartean.

Birberotzean

-Ziurtatu janaria 70ºC-tik gora birberotu dela.

-Ez birberotu birritan.

Aholku orokorrak

-Ez erabili hondatuta dagoen eta behar bezala garbitu ez daitekeen sukaldeko ontzirik.

-Ez prestatu janaririk beherakoa edo goragalea baduzu.

-Zauririk edo erredurarik baduzu, ez jarri elikagaiekin kontaktuan. Erabili tirita iragazgaitzak edo sukaldeko eskularruak.

-Ez utzi etxeko animaliei sukaldean sartzen.

Iturria: ELIKA, Nekazaritzako Elikagaien Segurtasunerako Euskal Fundazioa