Aragoiko Gobernuko Kontsumitzaileen eta Erabiltzaileen Babeserako Zuzendaritza Orokorrak eta ECODES-ek (Fundación Ecología y Desarrollo) “Guía de buenas prácticas frente al desperdicio alimentario” izenburuko gida argitaratu dute, zeinek zaborretara egoera onean dauden elikagai-kopuru eskerga txikiagotzeko gakoak eta aholkuak ematen dituen.

Gida honen arabera, elikagaien xahuketaren ehunekorik altuena sortzen duen elikaduraren kate-maila etxea da, kontsumitzaileok: %42. Hori dela eta, populazioaren, elikagaien ekoizpenaren, ingurumen eta ekonomia kostuen eta elikadura-paradoxen gaineko zenbait datu orokor eta zehatzak ere bai eman ondoren, gidak gure etxeetan elikagaien xahuketa murrizteko aholku sorta bat eskaintzen du, bost atal handitan bananduta:

-Planifika ezazu zure erosketa.

-Biltegiratu eta mantendu.

-Janaria prestatzean.

-Sukaldatutako elikagaiak. Berrerabil itzazu!

-Hezkuntza/kontzientziazioa/aktibismoa.

PDF “Guía de buenas prácticas frente al desperdicio alimentario”