Pisua kontrolatzeko dieta osoaren ordezkoak: osaerari buruzko baldintza espezifikoak

Argitaratu berri da Batzordearen 2017/1798 (EB) Araudi Delegatua, zeinak 609/2013 (EB) Araudia osatzen baitu, pisua kontrolatzeko dieta osoaren ordezkoei aplika dakizkiekeen osaera- eta informazio-baldintza espezifikoei dagokienez.

“Pisua kontrolatzeko dieta osoaren ordezkoak” pisua murrizteko energia-balio txikiko dietetan erabiltzeko berariaz formulatu diren elikagaiak dira, eta eguneroko dieta osoa ordezkatzen dute.

Arau horretan, produktu horiek bete behar dituzten baldintza espezifikoak zehazten dira, honako hauei dagokienez:

• Osaerari buruzko baldintzak.
• Etiketari, aurkezpenari eta publizitateari buruzko baldintzak.
• Produktua merkaturatzeko jakinarazpenei buruzko baldintzak.

Osaerari buruzko baldintzei dagokienez, ordezko produktuek I. eta II. eranskinetan ezarritako baldintzak bete beharko dituzte.

1. eranskinean zerrendatu ez diren substantziak eduki ahalko dituzte, baina soilik oro har onartutako datu zientifikoen arabera substantzia horien egokitasuna aitortu bada.

Hauek dira, besteak beste, etiketari buruzko baldintzak: 

• Elikadura-informazioari buruzko baldintza espezifikoak.
• Nutrizio-informazioari buruzko baldintza espezifikoak.
• Propietate osasungarri eta nutrizionalen jakinarazpenak.

Iturria: Europako Batzordea