![](https://eka.org/wp-content/uploads/2024/06/car-6603726_1280.jpg)
Ibilgailuren bat alokatuko duzu udan? Ezagutu beharreko eskubideak eta aholkuak
Ibilgailuren bat alokatuko duzu udan? Ezagutu beharreko eskubideak eta aholkuak
Uda atarian dago, eta berarekin, abentura berriei ekiteko edo ihesaldi txiki batekin deskonektatzeko aukera ezin hobea. Ildo honetan, pertsona askorentzat gero eta ezagunagoa den aukera bat ibilgailu bat alokatzea da, irteeratik bertatik berarekin bidaiatzeko edo helmugara iritsitakoan askatasun eta erosotasun osoz mugitzeko.
Autoa, motorra, furgoneta edo autokarabana alokatzeak gorakada nabarmena izan du oporraldiari begira, merkeagoa izan daitekeelako pertsona- edo familia-taldeentzat, eta, gainera, aukera ematen duelako urruneko lekuetara iristeko.
![](https://eka.org/wp-content/uploads/2024/06/forest-4450611_1280.jpg)
Hala ere, aukera honek baditu zenbait arrisku eta konplikazio ere. Izan ere, EKA/ACUVetik azken urteotan ibilgailuen alokairuarekin lotutako erreklamazioak nabarmen hazi direla identifikatu dugu eta, horregatik, beharrezkoa da kontsumitzaileei gai honen inguruko informazioa eta aholkuak ematea.
Zer eskubide ditugu ibilgailu bat alokatzean?
Kontsumitzaile bezala, funtsezkoa da ibilgailu bat alokatzean babesten gaituzten eskubideak ezagutzea. Jarraian, zure oporretarako aukera hau baloratzen ari bazara, kontuan hartu beharreko zenbait eskubide zerrendatuko ditugu.
![](https://eka.org/wp-content/uploads/2024/06/car-368636_1280.jpg)
1. Gardentasuna prezioan
Alokairu-enpresak alokairuarekin lotutako kostu guztien banakapen argia eman behar du, aseguruak, zergak eta izan genitzakeen gainerako kargu gehigarriak barne.
![](https://eka.org/wp-content/uploads/2024/06/honda-6241835_1280.jpg)
2. Kontratuaren baldintzak
Legez eskubidea duzu erabat xehatutako alokairu-kontratu bat jasotzeko, zerbitzuaren baldintza guztiak zehazten dituena, baita sinatu aurretik arretaz irakurtzeko eta behar duzun denbora hartzeko ere.
![](https://eka.org/wp-content/uploads/2024/06/rv-7590617_1280.jpg)
3. Ibilgailuaren egoera
Ibilgailua funtzionamendu-baldintza egokietan entregatu behar da. Horregatik, gomendagarria da autoa enpresako ordezkari batekin batera berrikustea eta identifikatzen den edozein kalte dokumentatzea.
![](https://eka.org/wp-content/uploads/2024/06/holidays-1283014_1280.jpg)
4. Nahitaezko asegurua
Enpresak gutxienez erantzukizun zibileko nahitaezko asegurua eskaini behar du. Estaldura gehigarriak kontrata ditzakezu, baina beti aukerakoak eta argi eta garbi zehaztuak izan behar dute sinatzen dugun alokairu-kontratuan.
![](https://eka.org/wp-content/uploads/2024/06/hippy-van-926290_1280.jpg)
5. Gordailua itzultzea
Gordailu bat utzi baduzu, importe guztia errekuperatzeko eskubidea duzu, baldin eta ibilgailua entregatu zen baldintza berberetan itzultzen bada.
Alokairu segurua eta ezustekorik gabekoa izateko aholkuak
Baina legeak zentzu honetan nola babesten gaituen ezagutzeaz gain, jarraibide batzuk ere eman nahi ditugu, gure ustez erabilgarriak izan daitezkeenak, baldin eta udan bidaiatzeko edozein ibilgailu mota alokatu nahi baduzu.
![](https://eka.org/wp-content/uploads/2024/01/antena-de-telefonia-movil-1.png)
![](https://eka.org/wp-content/uploads/2024/01/aeropuerto.png)
![](https://eka.org/wp-content/uploads/2024/01/alquiler-de-coches.png)
![](https://eka.org/wp-content/uploads/2024/01/ventas.png)
![](https://eka.org/wp-content/uploads/2024/01/consumismo.png)
![](https://eka.org/wp-content/uploads/2024/01/consumo-de-energia.png)
Erreserba aldez aurretik egitea
Erreserba aldez aurretik egiteak prezio eta erabilgarritasun hobeak bermatu ditzake, bereziki goi-denboraldian. Hori dela eta, antola zaitez ahalik eta tarte handienarekin alokatzeko, eta, honela, aurreratu zaitez ekainean, uztailean eta abuztuan izaten den ‘tsunami’ horri.
Iritziak irakurri eta eskaintzak alderatu
Alokairuko hainbat enpresa ikertu eta beste erabiltzaile batzuen iritziak irakurri erabakia hartu aurretik. Beste kontsumitzaileen esperientziak entzuteak eta prezioak eta baldintzak konparatzeak asko lagun diezazuke aukerarik onena aurkitzeko orduan.
Kontratua zehatz-mehatz berrikusi
Sinatu aurretik, ziurtatu sinatzen ari zaren kontratuaren klausula guztiak ulertzen dituzula. Zalantzarik izanez gero, ez izan beldurrik argi geratzen ez den edo ulertzen ez duzun edozein alderdiri buruz galdetzeko. Funtsezkoa da zer sinatzen ari garen jakitea.
Ibilgailua berrikusi
Autoa, motorra edo autokarabana eraman aurretik, aztertu zehatz-mehatz ibilgailuaren egoera eta ziurtatu aurretiko kalte guztiak kontratuan dokumentatuta daudela. Gomendagarria da, halaber, ibilgailuaren argazkiak ateratzea alokatzeko unean, egin ez dugun balizko kalte bat erreklamatzen badigute argudiatu ahal izateko.
Erregai-politikak ezagutu
Enpresa batzuek ibilgailua erregaiz beteta itzultzera behartzen dizute. Ziurtatu aldez aurretik ezagutzen dituzula politika hauek, kargu gehigarriak saihesteko.
Dokumentazioa gorde
Alokairuarekin lotutako dokumentu guztien kopiak gorde, kontratua, ibilgailuaren hasierako ikuskapena eta enpresarekin izandako edozein komunikazio barne (emailak, WhatsAppeko mezuak eta deiak).
![](https://eka.org/wp-content/uploads/2024/06/motorcycle-5720553_1280.jpg)
Ibilgailuak alokatzea aukera egokia eta malgua izan daiteke zure udako bidaietarako, baina oso garrantzitsua da ondo informatuta egotea eta edozein eragozpen saihesteko neurriak hartzea.