Langilearen Eguna: Lan duintasunari eta kontsumo arduratsuari omenaldi txiki bat
Langilearen Eguna: Lan duintasunari eta kontsumo arduratsuari omenaldi txiki bat
Lana eta kontsumoa elkarri lotuta dauden egungo munduan, Langilearen Eguna jaiegun huts bat baino askoz gehiago da. Ildo horretan, EKA/ACUVetik lan duinaren balioaz eta horrek kontsumitzaile gisa ditugun bizitzetan duen eraginaz hausnartzeko aprobetxatu nahi dugu.
EKA/ACUVen egiten dugun erosketa bakoitza ekintza sozial bat lez ulertzen dugu, bizi nahi dugun mundua moldatzen duen erabaki bat.
Horregatik, Langilearen Egun honetan, kontsumitzaileek aukeratzeko duten ahalmena ospatu nahi dugu, eta kontsumo arduratsuarekin dugun konpromisoa berretsi.
Izan ere, erosten dugun produktu bakoitzaren atzean, hori posible egin duten esku langileak daude. Elikagaiak lantzen dituen nekazariarengandik hasi eta altzariak mihiztatzen dituen langilearenganaino, bakoitzak bere ahalegin eta dedikazioarekin laguntzen du ondasunak eta zerbitzuak sortzen, gure bizitza zertxobait hobea izan dadin.
Hala ere, ezin ditugu alde batera utzi lan-eremu askotan oraindik ere badiren desberdintasunak eta gehiegikeriak. Lan-prekarizazioa, oinarrizko lan-eskubideen gabezia eta esplotazioa mundu osoko milioika langileren artean dauden errealitateak dira. Asko falta da konkistatzeko. Horregatik, Langilearen Eguna ere deitzen da lan-baldintza justuak eta giza eskubideekiko errespetua eskatzeko sektore eta eremu guztietan.
Kontsumitzaile kontziente garen aldetik, aldaketa sustatzeko ahalmena dugu, gure erosketa-erabakien bidez. Lan-eskubideak errespetatzen dituzten eta soldata-berdintasuna sustatzen duten enpresen produktuak eta zerbitzuak aukeratzea modu zehatz bat da langileen alde egiteko eta mundu bidezkoago bat eraikitzen laguntzeko.
Maiatzaren 1ean, kontsumo arduratsua lehentasun bihur dezagun.
Ospa dezagun lan duina eta errebindika dezagun pertsona bakoitzak errespetuz eta duintasunez tratatua izateko duen eskubidea lantokian. Elkarrekin, lana baloratua eta, batez ere, duina izango den etorkizuna eraiki dezakegu.