EKA/ACUV datu gordinetan: Zenbakiez haratago
EKA/ACUV datu gordinetan: Zenbakiez haratago
Atzera begiratu aurrerantz jarraitzeko. EKA/ACUVen ideia hori gauzatu nahi izan dugu urte berri honek eskainiko dizkigun erronka eta aukerei aurre egiteko. Horregatik, uste dugu une egokia dela euskal kontsumitzaileen alde egiten dugun lanari buruz gogoeta egiteko eta balorazio kualitatibo zein kuantitatibo bat plazaratzeko. Jarraian, gure eguneroko lanaren adibide diren eta EKA/ACUV kontsumitzaileen defentsarako erreferentzia gisa ezartzen duten datu batzuk azalduko dizkizugu.
Euskal kontsumitzaileen ahotsa gara: hau da egiten duguna eta lortu duguna.
Faktore diferentziala: arrakasta ekonomikoa zure erreklamazioetan
Elkarte gisa lortu dugun lorpen handienetako bat iaz gure bazkideentzat berreskuratu genituen finantza-baliabideen kuantifikazioan datza. Hala, 2023an, baiezta dezakegu arrakastaz kudeatu dugula 500.000€ baino gehiago itzultzea era askotako erreklamazioetan; kopuru horri 2018an gure jarduera hasi genuenetik berreskuratutako 3 milioi euro baino gehiago gehitu behar zaizkio.
Datu horiek gure talde juridikoaren profesionaltasunaz hitz egiten dute, eta elkartearen kontsumo-arloko jardun onari balioa ematen diote. Emaitza horiek zenbakiak ez ezik, izen-abizenak dituzten istorioak ere badira.
Un 99% de éxito en las reclamaciones
Más de 3.000 familias respaldadas en 2023
Erreklamazioen tipologia: gure jardueraren erradiografia bat
Gure lana hainbat arlotara hedatzen da, eta jorratzen ditugun erreklamazioen aniztasuna islatzen du. Gai finantzarioetatik hasi eta eguneroko kontsumo-arazoetara arte, zure zerbitzura egon gara mota guztietako eginkizunetan.
Hala ere, bidezkoa da esatea gure jarduera nagusia, joan den urtean, finantza-erakundeei egindako erreklamazioetan eta zentzu horretan eratorritako guztietan oinarritu dela. Jarduera horretan gure kabinete juridikoa espezializatuta dago, eta horri esker, EAEn gai hauek jorratzerako orduan erreferentzia izan gara.
¿EKA/ACUVekin bat egin gura duzu?
Bankuari egindako erreklamazioetan arrakasta izan badugu ere, aprobetxatu nahi dugu kontsumitzaileei eragiten dieten arazoen aniztasunarekiko dugun konpromiso zintzoa nabarmentzeko. Izan ere, telefoniarekin, airelineekin edo eguneroko kontsumoarekin lotutako erreklamazioak gure egunerokotasunaren parte izan dira.
Azpimarratzekoak dira, adibidez, gure aldetik Yelmo Films abusuzko jardunbideengatik kondenatzea, Sixt ibilgailuak alokatzeko enpresa abusuzko klausulagatik kondenatzea edo elkarteak arrakastaz egindako bukarazte-ekintzak.
Gizartearen alde lanean
Elkarte gisa dugun asmoa, gure izateko arrazoia, kontsumitzaileak babestea eta kontsumoa berdintasunean, etikan eta elkartasunean oinarritzen den gizarte bat eraikitzea da. Horregatik, aipatutako guztiaz gain, harrotasunez esan dezakegu lagundu egin dugula, modu pertsonalean egindako demanden eta prozesu judizialen bidez, gizarte osoak ildo horretan aurrera egin dezan eta maila askotan onura atera dezan.
Gure helburua argia da: herritar guztiak ahalduntzea, informatzea eta babestea, kontsumo arduratsua eta iraunkorra sustatuz.
Urte berria, jomuga berriak
EKA/ACUVen argi daukagu: etorkizunak erronka eta aukera berriak ekarriko dizkigu. Horrela, urte berri honetan, banku-erreklamazioak protagonista nagusiak izaten jarraituko dutela ikustatzen dugu, zehazki hipoteka-gastuei buruzko guztia.
Gainera, aurten mahai gainean jartzea aurreikusten da, besteak beste, irekiera-komisioa edo hegazkinean ekipajea igotzeagatik airelineak kobratzen duen gehigarria. Ildo horretan, euskal kontsumitzaileen ahots gisa dugun jarrera indartzen jarraituko dugu, egunero legeria bidezkoago baten alde lan eginez eta kontsumoaren arloan jakin behar duzun guztiaren berri emanez gure hedapen-kanal guztien bidez.
Jarraitzen al diguzu sare sozialetan?
Zenbakiez haratago
Gure lana zifrak baino askoz haratago doa. Lege-aholkularitza emanez, lege-aldaketak bultzatuz eta kontsumitzaileak beren eskubideei buruz heziz gizartea eraldatzen dugu. Horrela, atzera begiratzen dugu, egindako bideari begira, baina ez gara konformatzen. Aurten, euskal kontsumitzaileentzako iparroratza izaten jarraitzeko konpromisoa berretsi nahi dugu.
EKA/ACUVen zure alde lanean jarraitzen dugu!