2024 eraldaketa, lorpen eta konpromiso handiko urtea izan da. EKA/ACUVetik zurekin batera lan egin dugu kontsumitzaileen eskubideak defendatzeko, kontsumo kontziente bat sustatzeko eta elkarrekin etorkizun bidezkoago eta iraunkorrago bat eraikitzeko. 2025aren atarian, aldaketa honen parte aktibo izatera gonbidatu nahi zaitugu.
Horregatik, urte honen bukaerarekin batera, gure proiektuarekin bat egiteko 25 arrazoi bildu ditugu.
1. Zure eskubideak defendatzen ditugulako
Yelmo Cinemei zigor historikoa ezarri zion salaketatik hasi eta AESAri esku hartzeko eskaerera arte, zure ondoan gaude, zuretzat abusuzkoak diren klausulak lehenbailehen ezabatzeko borrokan.
2. Zure erreklamazioekin laguntzen dizugulako
EAEko hiru hiriburuetan (Bilbo, Gasteiz eta Donostia) espezializatutako talde juridiko bat duzu, egunero lan egiten duena zure eskubideak errespetatzen direla bermatzeko.
3. Hipoteka-gatazketan erreferentzia garelako
Arazoak zure hipotekaren klausularen batekin? Aurten, hipoteka-maileguetan abusuzko klausulak dituzten pertsonentzako zenbateko esanguratsuak berreskuratzea lortu dugu. Hipoteka-gastuak, HMEI, lurzoru-klausula… zure arazoa edozein dela ere, dagokizun dirua berreskuratzeko erreferentziazko elkartea gara.
4. Sarean lan egiten dugulako
Urtean zehar, kanpainak bultzatu ditugu Elika Fundazioa, Basque Culinary Center edo Amigas de la Tierra bezalako erakundeekin lankidetzan, kontsumo iraunkorragoa sustatzeko indarrak batuz.
5. Kontsumo kontzientean sinesten dugulako
Gure ekintzekin eta kanpainekin erosketa-erabaki arduratsuak sustatzen ditugu, zentzu horretan bidezkoagoa eta gogoetatsuagoa den kontsumo-gizartea eraikitzeko.
6. Urrats bakoitzean zurekin gaudelako
Gure web gune berriak tresna intuitibo eta praktikoagoak eskaintzen dizkizu informatzeko eta zure kontsultak azkarrago kudeatzeko.
7. Baliabide berrietarako sarbidea eskaintzen dizugulako
EKA/ACUVen, hemendik aurrera, erreklamazio-ereduak eskaintzen dizkizugu, nahi izanez gero erreklamazioa zeure kabuz egin dezazun.
8. Praktika txarren aurka borrokatzen dugulako
Gako-sektoreetako abusuzko praktiken aurkako salaketak zuzendu ditugu, eta kontsumo-mailako joera berri batzuen arriskuaz ohartarazi dugu, ibilgailuen alokairuaren sektoretik (Sixt eta Avis salatzea) online merkataritzaraino (Shein eta Temu).
9. Ikusezina dena ikusarazten dugulako
Lan egiten dugu euskal kontsumitzaileen arazoei ahotsa emateko eta horiek eztabaidagai izan daitezen eremu publikoan, komunikabideetan eta beste hedapen-kanal batzuetan egindako lankidetzen bidez. Mahai gainean jartzen ditugu jendearen arazoak.
10. Tokiko kontsumo iraunkorra babesten dugulako
“CROPS4LIFE” edo “Zero Despilfarro” bezalako proiektuen bidez, tokiko produktuak eta nekazaritzako elikagaien jasangarritasuna sustatzen ditugu, eta beste erakunde batzuekin bat egiten dugu elikagaiak alferrik galtzearen aurka borrokatzeko.
11. Etorkizunerako hezten dugulako
Energia-trantsizioari buruz CECUrekin (Kontsumitzaileen eta Erabiltzaileen Federazioa) garatu ditugun kanpainek aldaketarekin dugun konpromisoaren isla dira.
12. Etengabeko birmoldaketan gaudelako
Aurten, berrikuspen- eta hausnarketa-lan handia egin ondoren, gure Restylinga gauzatu dugu, gure balioekin eta egungo gizartearekin bat datorren nortasun berritua plazaratuz.
13. Berdintasunean sinesten dugulako
Kontsumo inklusiboa eta estereotiporik gabekoa sustatzen dugu egunez egun.
14. Guztiz gardenak garelako
Etika- eta gardentasun-printzipioek gidatzen gaituzte ekiten dugun ekintza bakoitzean.
15. Zure interesak ordezkatzen ditugulako
CECU (nazio mailan) edo BEUC (Europa mailan) bezalako sareen parte gara, kontsumitzaileen ahotsa indartzeko.
16. Arazoak konponbide bihurtzen ditugulako
Hipoteka-gastuak bezalako kasuek gure lanaren isla dira, eta zentzua ematen diote gure izateko arrazoiari.
17. Informazioa boterea dela dakigulako
Artikuluak, gidak eta eduki erabilgarriak argitaratzen ditugu, beti eguneratuta egon zaitezen eta kontsumitzaile gisa ahalduntzeko.
18. Komunitatea sortzen dugulako
Gure sare sozialen bidez gure informazioa zabaltzen dugu, egunetik egunera zugandik gertuago egoteko.
19. Historia handia duen elkartea garelako
1991tik, zure eskubideak defendatu ditugu.
20. Proiektu bakoitzean berritzen dugulako
Teknologia eta estrategia berriak txertatzen ditugu gure ekintzen eragina maximizatzeko.
21. Zure alde eta zuretzat lan egiten dugulako
Hartzen dugun erabaki bakoitza, bai maila juridikoan, bai maila komunikazionalean edo estrategikoan, zure interesak babesteko pentsatuta dago.
22. Egungo erronkei erantzuten diegulako
Jakin badakigu gizartea aldakorra dela eta, ondorioz, gure lana une bakoitzeko erronketara egokitzen dugu.
23. Zu zarelako gure proiektuaren bihotza
Proiektuarekin bat egiten duen kontsumitzaile bakoitzak gure lana indartzen du eta gauzak aldatzeko indar handiagoa ematen digu.
24. Euskadin zure erreferentziazko elkartea garelako
Kontsumitzaile guztien eskubideak defendatzen ditugu, bazkideak izan ala ez.
25. Elkarrekin indartsuagoak garelako
Zure babesak kontsumo-eredu bidezkoagoa, arduratsuagoa eta iraunkorragoa eraikitzen laguntzen digu.